2023 წლის ივნისში ხელი მოეწერა პარტნიორობის მემორანდუმს დეველოპერულ კომპანია „მეტროპოლსა“ და უმსხვილეს ფრანგულ საერთაშორისო ბრენდ Louvre Hotels Group-ს შორის. ამ პარტნიორობით “მეტროპოლი” აჭარის რეგიონში ექსკლუზიურად შემოყვანს სასტუმროების 5* ვარსკვლავიან ბრენდ Royal Tulip-ს, ხოლო ბათუმში ორი მსხვილი საინვესტიციო პროექტის: Metropol Cube-ისა და Metropol Oval-ის მშენებლობას უზრუნველყოფს. Louvre Hotel Group-ი ერთ-ერთი მთავარი მოთამაშეა გლობალურ სტუმარმასპინძლობის ინდუსტრიაში. ის მსოფლიოს 54 ქვეყანაში 1600-ზე მეტ სასტუმროს აერთიანებს. Royal Tulip-ი „ლუვრ ჰოტელ გრუპის“ პრემიუმ კატეგორიის სასტუმრო ბრენდია, რომელიც ცნობილია თავისი ელეგანტური და დახვეწილი სივრცეებითა და მომსახურებით. ბიზნესკლასის კონცეფციის CUBE-ის პროექტი რეგიონისთვის მნიშვნელოვანი ინვესტიციაა, რომლის მოცულობაც 160 მლნ ლარს აღემატება. თანამედროვეობისა და დახვეწილობის სინთეზით შექმნილი არქიტექტურით, Metropol CUBE-ის ინფრასტრუქტურა აერთიანებს საკონფერენციო დარბაზს, ბიბლიოთეკას, საცურაო აუზს, ტერასასა და სარესტორნო სივრცეს. ზღვისპირა დასვენების მოყვარულებისთვის კი აქტიური დასვენების სტილზე ორიენტირებული პროექტი – Metropol OVAL-ი – ღვინის ბიბლიოთეკას, კინოდარბაზს, საცურაო აუზსა და დიდ ტერასას ითვალისწინებს. ასე რომ, ორივე საინვესტიციო პროექტი თავის თავში აერთიანებს როგორც კომფორტული ცხოვრების სტილს, ასევე მაღალი დონის დაგეგმარებასა და თანამედროვე სტანდარტებს. 2027 წლის ბოლოს Metropol CUBE-ისა და Metropol OVAL-ის პროექტები სრულად დაიწყებს ფუნქციონირებას და მათში, შესაბამისად, Royal Tulip Cube-ი და Royal Tulip Oval-ი იქნება წარმოდგენილი.