პრემიუმ აპარტამენტები თბილისში “მეტროპოლის კომპლექსში”

უძრავი ქონების ბაზარზე საცხოვრებელი ბინები ოთხ ძირითად კატეგორიად იყოფა. მყიდველს ეკონომ, საშუალო, კომფორტ და პრემიუმ კლასის ბინებს შორის შეუძლია არჩევანის გაკეთება. პირველი ორი მასობრივ მომხმარებელზეა გათვლილი, დანარჩენი ორი კი გაუმჯობესებული პირობებითა და პრესტიჟულობით გამოირჩევა.

პრემიუმ აპარტამენტები დასავლეთში დიდი ხნის წინ გაჩნდა და ახლა უკვე საუკუნოვანი ისტორია აქვს. მეოცე საუკუნის დასაწყისიდანვე ევროპასა და ამერიკის შეერთებულ შტატებში მსგავსი სახლები დახვეწილი არქიტექტურის, გაზრდილი უსაფრთხოებისა და უკეთესი ცხოვრების სტილის სინონიმად იქცა. დროთა განმავლობაში ამ ტრადიციას თანამედროვე ეკოლოგიური თუ ტექნოლოგიური მოთხოვნებიც დაემატა. საქართველოში კი ასეთი ტიპის უძრავი ქონება დამოუკიდებელ და სწრაფად მზარდ ნიშად ახლა ყალიბდება.

იმის გამო, რომ ამ სფეროში საყოველთაოდ აღიარებული სტანდარტი არ არსებობს, დეველოპერები პროექტის კლასს ხშირად თავადვე განსაზღვრავენ. შესაბამისად, მყიდველისთვის მთავარი საორიენტაციო წერტილი უშუალოდ კომპლექსის მახასიათებლებია. საცხოვრებლის რეალურ ღირებულებასა და პრემიუმ სტატუსს პრესტიჟული ლოკაცია, ხედები, გამორჩეული არქიტექტურული კონცეფცია და მშენებლობის უმაღლესი ხარისხი განაპირობებს.

რა უპირატესობები აქვს პრემიუმ სეგმენტის საცხოვრებელს?

პრემიუმ საცხოვრებელი კომპლექსი ძირითადად ქალაქის პრესტიჟულ, კარგად განვითარებული ინფრასტრუქტურის მქონე უბნებში მდებარეობს. ეკონომ სეგმენტის შენობები კი პერიფერიებზე ან ცენტრალურ მაგისტრალებთან ახლოს შენდება. მაღალი კლასის ბინებისთვის ლოკაცია თავისთავად დიდი უპირატესობაა. ასეთ დროს სახლთან ძალიან ახლოს არის რესტორნები, კაფეები, სავაჭრო თუ გასართობი ცენტრები, თუმცა თავად აპარტამენტები ქალაქის დამღლელ ხმაურს სრულად მოწყვეტილია.

განსხვავება ყველაზე მკაფიოდ სერვისსა და შიდა ინფრასტრუქტურაში იგრძნობა. პრემიუმ აპარტამენტები თბილისში გულისხმობს მოწესრიგებულ ლობისა და საერთო სივრცეებს, დაცულ, გამწვანებულ ეზოს, საბავშვო და სპორტულ მოედნებს, ასევე საცურაო აუზსა და ფიტნეს დარბაზს.

მობინადრეების უსაფრთხოებაზე 24-საათიანი დაცვის სამსახური და ვიდეომეთვალყურეობის სისტემა ზრუნავს. დამატებითი სიმშვიდისთვის კი კომპლექსის ტერიტორიაზე შესვლა მკაცრად კონტროლდება. მობინადრეებს ყოველდღიური საქმეების მოგვარებაში კონსიერჟის სერვისი ეხმარება. ის საკუთარ თავზე იღებს ისეთ წვრილმანებს, როგორებიცაა ამანათის მიღება თუ სხვადასხვა სივრცის დაჯავშნა.

ცალკე აღნიშვნას იმსახურებს შენობის მართვის საკითხი. პრემიუმ კომპლექსში საერთო სივრცეების მოვლასა და ტექნიკურ გამართულობაზე სპეციალური გუნდი მუშაობს. შესაბამისად, მფლობელს მსგავს საზრუნავზე დრო და ენერგია საერთოდ არ ეხარჯება. ნებისმიერი ტექნიკური შეფერხების დროს საკმარისია მმართველ კომპანიას მიმართოს, რომ პრობლემა სწრაფად მოგვარდეს.

რატომ იზრდება მოთხოვნა პრემიუმ აპარტამენტებზე?

ბოლო წლებში უძრავი ქონების ბაზარზე მყიდველთა პრიორიტეტები შეიცვალა. დღეს ადამიანები მაღალი ხარისხის პროექტებს ანიჭებენ უპირატესობას და არჩევანს დახვეწილ საცხოვრებელ გარემოზე აკეთებენ. ამ ტენდენციის გამო, პრემიუმ აპარტამენტები თბილისში მზარდი ინტერესის გათვალისწინებით შენდება.

პირველ რიგში, თავად ბაზარი ვითარდება და მომხმარებლის მიდგომაც იცვლება. მყიდველი აღარ ფიქრობს მხოლოდ ქონების სწრაფად გადაყიდვით მიღებულ მოგებაზე და ბევრად გრძელვადიან, გააზრებულ ინვესტირებას ამჯობინებს. შესაბამისად, ბინის შერჩევისას ის დიდ ყურადღებას აქცევს შიდა ინფრასტრუქტურას, ჯანსაღ საცხოვრებელ გარემოსა და სტაბილური გაქირავების პერსპექტივას.

ამასთან ერთად, შეიცვალა ცხოვრების სტილი და მყიდველის მოთხოვნებიც. დღეს უკვე აღარ არის გადამწყვეტი, ადამიანი სტუდიოს ეძებს თუ სამოთახიან ბინას. მისთვის ბევრად უფრო ფასეული გახდა ის, თუ რამდენად დაცული და მოწესრიგებულია თავად საცხოვრებელი კომპლექსი.

საინვესტიციო გარემო და ფინანსური სარგებელი საქართველოში

პრემიუმ აპარტამენტები თბილისში მომგებიან საინვესტიციო აქტივად აღიქმება. ამ მიმართულებით საქართველო რეგიონში მართლაც გამორჩეული ბაზარია და უცხოელი ინვესტორების მხრიდან გამოვლენილ მაღალ ინტერესს სავსებით ლოგიკური მიზეზები აქვს.

ყველაზე თვალსაჩინო უპირატესობა ხელსაყრელი საგადასახადო გარემოა. ქვეყანაში ქონების გადასახადი საკმაოდ დაბალია, ხოლო პირველი რიგის ნათესავისგან მიღებული ან ნაჩუქარი ქონება სრულად გათავისუფლებულია გადასახადისგან. გარდა ამისა, უცხო ქვეყნის მოქალაქე შეძენილ ბინაზე სრული საკუთრების უფლებას იღებს და თავად ყიდვის პროცედურაც ზედმეტი ბიუროკრატიის გარეშე სწრაფად სრულდება.

უცხოელ ინვესტორებს საქართველოში ბინადრობის სტატუსის მიღებაც ძალიან იზიდავთ. უძრავ ქონებაში ინვესტირება ამ უფლების მოპოვების ყველაზე გამოცდილი და გავრცელებული გზაა. თუმცა კანონმდებლობა პერიოდულად ახლდება, რის გამოც დეტალების წინასწარ იურისტთან დაზუსტება მყიდველისთვის ყოველთვის გონივრული ნაბიჯია.

უცხოელი მყიდველების ინტერესს კიდევ უფრო აძლიერებს ტურიზმის განვითარებაც. მაგალითად, თბილისი ყოველწლიურად უამრავ უცხოელს მასპინძლობს. ვიზიტორების დიდი ნაკადის გამო მოკლევადიან გაქირავებასა და სასტუმროს ტიპის აპარტამენტებზე მოთხოვნა მუდმივად მაღალია. შესაბამისად, საქართველოში უძრავი ქონების საინვესტიციო უკუგება რეგიონის სხვა ქვეყნების მაჩვენებლებს საგრძნობლად აღემატება.

პრემიუმ აპარტამენტები თბილისში „მეტროპოლ ქავთარაძის“ კომპლექსში

ის მახასიათებლები, რომლებზეც ზემოთ ვისაუბრეთ, კარგად ჩანს დეველოპერული კომპანია „მეტროპოლის“ პროექტში – „მეტროპოლ ქავთარაძეში“, რომელიც თბილისში, საბურთალოზე შენდება.

განვითარებული ინფრასტრუქტურისა და ქალაქის ცენტრთან სიახლოვის გამო, საბურთალო თბილისში გამორჩეულად მოთხოვნადი უბანია. პროექტიც სწორედ აქ, ქავთარაძის ქუჩაზე მდებარეობს. სახლიდან სულ რამდენიმე წუთის სავალზეა „სითი მოლი“, იპოდრომი და უნივერსიტეტის მაღლივი კორპუსი.

პროექტის საერთო ფართობი 16 490 კვადრატულ მეტრს შეადგენს. აქედან მთელი ერთი ჰექტარი სრულად სარეკრეაციო ზონას ეთმობა, რაც დედაქალაქის პირობებში მართლაც გამორჩეული მასშტაბის გამწვანებული ტერიტორიაა. შიდა ეზოში შადრევნების, სკვერებისა და მოსასვენებელი პავილიონების განთავსება იგეგმება.

გამწვანებასთან ერთად, ტერიტორიაზე მოეწყობა სპორტული მოედნები, საფეხმავლო ბილიკები და საკუთარი საბავშვო ბაღი. შესაბამისად, ბავშვები დროს სრულიად უსაფრთხო სივრცეში გაატარებენ. ვინაიდან პროექტი კომერციულ და საოფისე ფართებსაც ითვალისწინებს, მობინადრეები პირველადი საჭიროების მომსახურებას ტერიტორიიდან გაუსვლელად მიიღებენ.

სამშენებლო პროცესში ენერგოეფექტური მასალების გამოყენება დასაწყისშივე პრიორიტეტული იყო. შენობის ფასადი გერმანული ბრენდის, YTONG-ის აირბლოკით კეთდება, რომელიც მაღალი თბოიზოლაციით გამოირჩევა. ბინების გამყოფ შიდა ტიხრებში კი პემზისა და ბეტონის ბლოკებია ჩაშენებული, რათა ოთახებს შორის ხმის იზოლაცია მაქსიმალურად იყოს დაცული.

მომხმარებლებს „მეტროპოლი“ პრემიუმ აპარტამენტებს შიდა უპროცენტო განვადებით სთავაზობს. ამ სერვისით სარგებლობა შემოსავლების დადასტურების გარეშეც სავსებით შესაძლებელია.

კონკრეტული ბინებისა და დამატებითი პირობების შესახებ დეტალური ინფორმაციის მისაღებად შეგიძლიათ კომპანიის წარმომადგენლებს დაუკავშირდეთ:

ტელეფონი: 032 288 89 99

ელ-ფოსტა: sales@metropol.ge

მისამართი: თბილისი, ალ. ყაზბეგის 15; თბილისი, დ. გულიას ქ. 4, 0114